banff zu zweite und ab i d rockies

nach edmonton bin i denn wieder uf banff zrug und vo det us uf en trip mit uebernachtige i hostels ohni strom und so. mer hend e super gmeinschaft gha und eifach natur gseh. unvorstellbar fuer europa. eifach wald und berge, gletscher und nume eifach ei strass dedur, dass mer da cha gseh. ab und zue en abstecher zumene see oder eme wasserfall, oder au mal zunere schlucht. und das wasser. dur s gletscherwasser und „rockflour“ reflektiert s wasser nume blau und gruen, was denn im intensivste fall es intensivs tuerkis git. i ha zerst woni e postcharte vo sebem see gse ha denkt, ou da isch jetzt aber wuerkli zu kitschig, aber de isch wuerkli vomene intensive tuerkis. de schoenst see isch aber grad am fuess vomene gletscher gsi. isch nachli iis drin gschwumme und isch eifach e schoeni stimmig gsi. det hani s denn noed choene la, mini sandchasttraeum achli z lebe und en steiturm z baue. uf da foeteli choender echt gspannt si .

 

zudem hani na en trip ufen gletscher gmacht womer eifach nachli e besseri sicht i d berge iegha het.

 

de absolut hammer isch denn aber bim zrugweg uf banff gsi. S HET GSCHNEIT!!!

edmonton

jo isch scho es zimlichs wili sit i det gsi bi. s speziell det isch noed dass d stadt i zwei teil teil isch sondern dass de suedlich stadtteil, es viertel mit niedrige bachsteihueser und so, viel lebendiger isch als die noerdlichere downtown, wo fast menscheleer isch. dezwueschet gits es haerzigs alts traemli wo die beide stadtteil im summer verbindet. betriebe wirds vo es paar alte baehnler.

naja, sust isch edmonton eifach flach und wit. mer het eigentlich chum s gfuehl inere stadt ine z si, sondern imene riesige dorf, wo jede sis eifamiliehuesli oder sini chli villa het. und d atmosphaere isch eifach mega fruendlich. di fruendlichst stadt i ganz kanada. han en sehr spezielle worship doerfe det bsueche. de prediger isch vo kuba cho, wil s det es projekt hend. und er het uf spanisch mit eme uebersetzer uf englisch prediget. s isch ja amel ok wenn i zwueeschet duetsch und englisch hi und her grisse bi, aber weg dem spanisch han i immer au nachli italienisch mitgloset. . aber isch defuer e spezielli erfahrig gsi, wil i echt nume en chline teil verstande han, aber waerend i nuet verstande han ueber de ha choene nadenke.

 

am mentig bin i denn na i d mall vo edmonton, wo de grund isch, wieso dass es kei lebe i de downtown het. 800 shops, en wasserpark, achterbahne, minigolfalag, ishockeyring, e seeloieshow, …

isch mir denn scho fast z extrem gsi. i glaub fuer es paar fraue waer da s traumshoppingparadis, aber mir hets eifach z vil gha.